16.11.2022
Í tilefni HM 2022 í fótbolta þá ætlar 12 Sporahúsið Holtagörðum að vera með beinar útsendingar frá öllum leikjum keppninnar.
Sal 8 verður breytt í kaffihús og á boðstólum verða ýmsar veitingar svo sem pizzur, samlokur, gos, kaffi, bakkelsi og nammi. Keppnin hefst núna á sunnudag, 20. nóvember klukkan 16:00 og næstu leikir eru á mánudag kl. 13:00, 16:00 og 19:00 og svo alla daga vikunnar frá kl. 10:00. o.s.frv. Keppninni lýkur svo með úrslitaleiknum þann 18. desember.
Vertu með og láttu sjá þig, þetta er gaman og þetta er eini staðurinn þar sem hægt er að horfa á HM 2022 í stórum hópi án þess að verið sé að reyna að selja áfengi með.
Meðfylgjandi er linkur á dagskrá RÚV sem sér um útsendinguna.
https://www.ruv.is/frett/2022/11/01/svona-verdur-hm-a-ruv
17.09.2022
Jæja þá er komið að því, BINGÓ!
12. Sporahúsið í Holtagörðum verður með bingó, já bingó, laugardaginn 1. október klukkan 19:30. Allur ágóði rennur beint í Alanó Klúbbinn til að styrkja starfsemina. Sjá nánar um starfsemina á 12sporahusid.is
Þessi viðburður er opin fyrir alla og verða alls konar drykkir og veitingar til sölu á staðnum. Einnig erum við svo þakklát yfir því að fá MANIC STATE til þess að vera bingó-stjórar fyrir okkur.
Það verða glæsilegar vinningar í boði og við mælum með því að mæta tímanlega til þess að ná góðum sætum!
7.09.2022
Ný vefur 12 Sporahússins er kominn í gagnið, loksins, sjá www.12sporahusid.is.
Vefurinn verður miðstöð upplýsinga um það sem er að gerast i 12 Sporahúsinu ásamt Facebook síðu hússins, en framundan eru hvorki meira né minna en þrír stórviðburðir fram að áramótum.
Á síðunni er allar upplýsingar um húsið og salina, sögu klúbbsins og lög hans, og hægt er að gerast meðlimur í klúbbnum eða styrkja hann í eitt skipti eða fleiri ef menn vilja. Einnig eru á síðunni húsreglur og umgengnisreglur sem deildir þurfa að hafa í huga.
Vinsamlegast látið aðrar deildir sem þið eruð í vita af þessu. Það er langþráð takmark að geta haft alla upplýsingagjöf og samskipti á einum stað og við hvetjum deildir til að „vakta“ síðuna.
Deildir eru beðnar um að skoða vefinn vel og athuga ef þar eru misskráningar á fundum og láta vita á netfangið 12sporahusid@12sporahusid.is.
Með bestu kveðju,
Stjórn Alanó klúbbsins.
29.03.2022
Aðalfundur Alanó klúbbsins, líknarfélags verður haldinn í Sal 1, 12 Sporahúsinu Holtavegi 10 Reykjavík, þann 07. apríl 2022 klukkan 18:00. Fundurinn er opinn öllum félagsmönnum.
1. Skýrsla stjórnar
2. Ársreikningur
3. Kosningar í varastjórn
4. Breytingar á lögum félagsins/Kosningar
5. Önnur mál
Úr 5. grein laga félagsins
Félagsmenn teljast þeir sem standa skil á félagsgjöldum og öðlast þannig kjörgengi og kosningarétt á aðalfundi félagsins.
Önnur mál
Félagsmönnum er bent á að öll mál sem félagsmenn óska að séu sett á dagskrá aðalfundar undir liðnum „Önnur mál“ verða að hafa borist stjórn félagsins skriflega á netfangið 12sporahusid@12sporahusid.is fyrir 1.apríl 2022.
Stjórn Alanó klúbbsins, líknarfélags.
18.12.2021
Sæl öll. Það eru að koma jól og þau geta verið snúin fyrir mörg okkar. Því hefur framtakssamt AA fólk í 12 Sporahúsinu ákveðið að bjóða upp á aukafundi um jólin. Það verða miðnæturfundir (kl. 23.) á Þorláksmessu, aðfangadag og jóladag, svo verður nýársfagnaðarfundur klukkan eitt eftir miðnætti á Gamlárs (01:00 á nýarsdag). Þessir jóla- áramótafundir eru alveg einstaklega skemmtilegir. Láttu sjá þig. Gleðileg jól. Nefndin.
